Россияда хориж автомобиллари нархи рекорд ўрнатди: 2023 йилда нархлар ўзгарадими?

“Росстат” якуний ҳисоботининг 2022 йил натижаларига кўра, Россияда автомобиллар ўртача 24 фоизга, хорижий автомобиллар эса бирданига 40 фоизга ошган. Нархлар 2023 йилда ўсишда давом этадими ва автомобиллар нархи қанча бўлади?

Autonews.ru  танишиб чиққан “Росстат” маълумотларига кўра, 2022 йилда Россияда янги енгил автомобиллар нархи 24,33 фоизга ошган. Бу 2002 йилдан бери юритилаётган статистикада рекорд кўрсаткичдир.
Машина савдосида энг қимматлашгани янги хориж автомобиллари бўляпти, бироқ маҳаллий маркадаги автомобилларнинг нархи ҳам ошган. Нархлар кўтарилиши туфайли харидорларнинг машиналарга талаби ҳам пасайди. Мутахассисларнинг огоҳлантиришича, 2023 йилда автомобил ҳаридорлари қиммат хориж машиналарини сотиб олишга қурби етмай эски нархда арзон классдаги автомобилларни олишга мажбур бўлишади. Биз нархнинг нима сабабдан ошганини ва 2023 йилда автомобиль нархлари қандай бўлишини аниқлаймиз.

Хориж автомобиллари 40 фоизга қимматлашди

2022 йилда енгил автомобиллар нархларининг ўсиши “Росстат” статистик маълумотларни юритган вақт давомида рекорд даражага етди.

2021 йилда, пандемия даврида автомобиллар нархи бир йил ичида 14,48 фоизга ошган эди. Яна бир чўққи 2015 йилда кузатилган, ўшанда рублнинг заифлашуви сабабли автомобиллар нархи 12,49 фоизга ошган.

Энг муҳими, 2022 йил охирида Россияга олиб кириладиган ва шу ерда ишлаб чиқариладиган хорижий брендларнинг янги маҳсулотлари 39,11 фоизга қимматлашди. Шу билан бирга, маҳаллий брендларнинг янги енгил автомобиллари, асосан Lada ва УАЗ, 2022 йил охирида Россияда пайдо бўлган маҳаллий Москвич ва Evolute маркалари 29,65 фоизга ўсди. Ишлатилган хорижий автомобиллар умумий кўрсаткични тузатишга ёрдам берди – уларнинг нархи атиги 6,75 фоизга ошди.

Автомобил нархи инфляциядан ошиб кетди

Енгил автомобиллар нархларининг кўтарилиши инфляциянинг умумий даражасидан ҳам ошиб кетди. “Росстат” маълумотларига кўра, 2022 йилда мамлакатда товарлар ва хизматлар нархининг умумий индекси (ИПЦ) 11,94 фоизга ўсган.

Автомобиль нархларининг ўсиш чўққиси 2022 йилнинг март ойида, янги хорижий автомобилларни етказиб бериш тўхтатилган ва Россия автомобиль заводлари бутловчи қисмлар етишмаслиги сабабли ишлаб чиқаришни музлатиб қўйган пайтга тўғри келди. Кейинги ойларда автомобиллар нархи бироз ўзгарди ва ишлатилган хорижий автомобиллар декабрь ойига келиб баҳордагига нисбатан 8 фоизга арзонлашди.

Автостат агентлиги ҳар бир автомобиль модели учун қуйидаги кўрсаткичларни беради. Шундай қилиб, бозордаги энг машҳур ўнта автомобиль орасида Lada Granta нархи энг кам ўсгани бўлиб – 13% га, 598,8 минг рублдан 678,3 минг рублгача ошди.
Chery Tiggo 4 кроссовери бирданига 1,139 млн дан 1,999 млн рублгача ошди.

Қуйидаги жадвалда автомобилларнинг нархи қанчалик ошганлиги ҳақида билишингиз мумкин.

• Lada Granta — 598 900 — 678 300;
• Lada Niva Travel — 879 900 — 998 900;
• Lada Niva Legend — 693 000 — 800 900;
  Lada Vesta — 862 900 — 1 121 900;
• Lada Largus — 829 900 — 1 300 900;
• Haval Jolion — 1 449 000 — 1 799 000;
  Haval F7 1 —  779 000 — 2 149 000;
• Haval F7x — 2 249 000;
• Haval Dargo — 2 849 000;
• Geely Coolray — 1 471 990 — 2 299 990;
• Geely Atlas Pro — 1 964 990 — 2 758 990;
• Geely Tugella — 2 769 000 — 3 999 990;
• УАЗ «Патриот» (механика) — 1 084 000 — 1 530 000;
• УАЗ «Патриот» (автомат) — 1 325 000 — 1 935 000;
• УАЗ «Хантер» — 1 007 000 — 1 375 000;
• УАЗ-452 («Буханка») — 962 000 1 375 000;
• Chery Tiggo 4 — 1 139 900 — 1 999 900;
• Chery Tiggo 8 Pro — 1 869 900 — 2 649 900;
• Chery Tiggo 7 Pro — 1 638 900 — 2 649 900;
• Kia Sportage — 1 977 900 — 2 849 900;
• Kia Seltos — 1 356 900 — 1 959 900;
• Kia Rio — 957 000 — 1 434 900;
• Kia Rio X — 1 077 900 — 1 574 900;
• Hyundai Santa Fe — 2 814 000 — 3 969 000;
• Hyundai Tucson — 2 059 000 — 2 749 000;
• Hyundai Creta — 1 349 000 — 1 859 000;
• Hyundai Solaris — 1 005 000 — 1 408 000;

Экспертларнинг фикрича, автомобиль бозорида 2023 йилда иккита тенденция ҳукмронлик қилади. Бир томондан, санкциялар туфайли баъзи “дефицитлар” давом этади, яъни 2022 йил бошига қадар машҳур бўлган харидоргир моделлар нархининг ҳам ошиши давом этади.

Бошқа томондан, аҳолининг харид қобилияти ўсиши ҳам кузатилмайди. Бу эса, базорда бюджет моделларининг улуши ошади, демак, уларнинг нархи ҳам ўсишда давом этади. Бу маҳаллийлаштирилган Лада автомобиллари ва параллел импорт каналлари орқали олиб кирилаётган арзон моделларига талаб ўсиши мумкин дегани.

Манба: Autonews.