Мақола

2 369 28/03/2023

Сўнгги маълумотларга кўра, 2022 йилда Россиядан депортация қилинган мигрантлар сони сезиларли даражада ошган.

Дарҳақиқат, экспертлар мигрантларнинг мамлакатда ноқонуний бўлиш ҳолатлари кўплигини қайд этишди. Бу кўрсаткичлар қатор турар-жой, қурилиш, савдо ва хизмат кўрсатиш объектларида ўтказилган текширишлар натижасида аниқланди. Россия Ички ишлар вазири Владимир Колокольцев 2022 йилда Россиядан депортация қилинган хорижликлар сони 2021 йилга нисбатан 2,5 баробардан кўпроқ ошганини айтди.

Миграция қонунчилигига риоя этилишига комплекс ёндашув ва мониторинг олиб борилиши натижасида Ички ишлар вазирлиги хорижликларнинг Россия ҳудудига киришига тўсқинлик қилишда давом этмоқда. 2022 йилда қонун бузилиши ҳолатлари 2021 йилга нисбатан қарийб 50%га ошган.

Бундан ташқари, экспертлар томонидан ноқонуний миграцияни ташкил этиш билан боғлиқ 106 та жиноят қайд этилган. 33 минг кишини маъмурий йўл билан чиқариб юбориш тўғрисида қарор қабул қилинган, 48 мингдан ортиқ хорижликларнинг Россияга киришига рухсат берилмаган.

Сўнгги пайтларда депортациялар сонининг кўпайишини Россия ҳукуматининг миграция сиёсатини кучайтиришга қаратилган саъй-ҳаракатлари, шунингдек, ноқонуний миграцияга қарши кураш билан изоҳлаш мумкин.

Манба: Upl.uz.

Эрининг ўчини боласидан олаётган аёллар

Навигация