Rossiyada muhojirlar qancha jinoyat sodir etadi?

«Agar aniq bo’lsa» tahliliy loyihasiga ko’ra, Rossiyada sudlanganlarning atigi 4-4,5 foizi xorijliklardir. Koronavirus pandemiyasi davrida bu ko‘rsatkich yanada past bo‘lgan – taxminan 3–3,5%.

Ammo mamlakatning turli mintaqalarida vaziyat boshqacha. Masalan, Moskva va mintaqada sudlanganlar orasida Rossiyadagi o‘rtacha ko‘rsatkichdan ko‘proq migrantlar bor.

Ichki ishlar vazirligining 2013-2023-yillardagi statistikasi shuni ko’rsatadiki, mamlakatda sodir bo’lgan har 100 jinoyatdan 2 tasi xorijliklar tomonidan sodir etilgan.

Hisob-kitoblar qanday amalga oshirilgan

Rossiya fuqarolari va chet elliklar o’rtasidagi jinoyatchilik darajasini solishtirish uchun ekspertlar nisbiy ma’lumotlardan foydalangan.

Rossiyaliklar soni haqidagi ma’lumotlar Rosstatdan olingan. Mamlakatdagi xorijliklar soni esa ilmiy maqolalar va yillik demografik hisobotlar asosida hisoblangan.

Tadqiqot natijalari

2013-2023-yillarda har 100 ming rossiyalikga o’rtacha 424 nafar, chet elliklar orasida esa 282 nafar mahkum to’g’ri kelgan.

Ammo shuni hisobga olish kerakki, ko’pchilik migrantlar 14-49 yoshdagi erkaklar, ya’ni mehnatga layoqatlilardir. Shuning uchun tahlilchilar ushbu yoshdagi erkaklar uchun jinoyatchilik darajasini alohida hisoblab chiqdilar. Natijada:

rossiyaliklar orasida: 14-49 yoshdagi 100 000 erkakka 1300 mahkum;

chet elliklar orasida: shu yoshdagi 100 000 erkakka 507 mahkum to’g’ri keladi.