Rossiyada o‘zbekistonlik «migrant» asalarilar qidirilmoqda

Rossiya O‘zbekistondan import qilingan katta miqdordagi asalarilarni olib ketayotgan yuk mashinasini qidirmoqda. Rossiya ommaviy axborot vositalarining xabar berishicha, 1728 ta asalari chegarani kesib o‘tib, Kurgan viloyatiga ketayotganda g‘oyib bo‘lgan.

Voqea aprel oyining boshida boshlangan. Asalarilarni olib ketayotgan yuk mashinasi Rossiyaga Astraxan viloyati orqali kirgan. Hujjatlarga ko‘ra, asalarilar sanitariya tekshiruvidan o‘tish uchun Kurgan viloyatidagi maxsus karantin zonasiga yetkazib berilishi kerak edi.

Biroq, yuk manzilga yetib bormagan. Keyinchalik, asalarilar yetkazib berilishi kerak bo‘lgan muassasa ularni qabul qilishga umuman tayyor emasligi ma’lum bo‘ldi. U yerda uyalar yoki uskunalar bo‘lmagan. Bundan tashqari, mahalliy aholi hech kim bunday katta miqdordagi hasharotlarni saqlashni niyat qilmaganligini aytgan.

Keyinchalik yuk mashinasi va haydovchi g‘oyib bo‘ldi. Hozirda yuk mashinasini qidirish butun Rossiya bo‘ylab olib borilmoqda. Rossiyalik asalarichilar va jamoat tashkilotlari allaqachon Ichki ishlar vazirligi, Prokuratura va Rosselxoznadzor bilan bog‘lanishgan. Mutaxassislar Markaziy Osiyodan kelgan asalarilar xavfli kasalliklar va parazitlarni yuqtirishi mumkinligidan xavotirda.

Mutaxassislarning ta’kidlashicha, agar bunday asalarilar Rossiya hududlariga nazoratsiz qo‘yib yuborilsa, bu mahalliy asalarilarga kasal yuqishiga va asalari oilalarining ommaviy o‘limiga olib kelishi mumkin emish. Bu, o‘z navbatida, asal ishlab chiqarishga ta’sir qilishi mumkin.

Shuningdek, janubiy mamlakatlarning asalarilarning ba’zi turlari tajovuzkor deb hisoblanishi haqida aytiladi. Ularning chaqishi jiddiy allergik reaksiyalarga va hatto anafilaktik shokka olib kelishi mumkin.

Noqonuniy asalari uyalari ham tashvish tug‘diradi. Mutaxassislar sanitariya tekshiruvisiz ishlab chiqarilgan asal sog‘liq uchun xavfli bo‘lishi mumkinligi haqida ogohlantirmoqda.

Rossiya rasmiylari hozirda yuk mashinasini qidirishda davom etmoqda va asalarilar saqlangan bo‘lishi mumkin bo‘lgan joylarni tekshirmoqda. Aholi shubhali asalari bog‘lari va hujjasiz asalari tashishlari haqida xabar berishlari so‘raladi.