Россиялик автомобиль сотувчилари бозорда қанча бренд қолганини айтишди

Йил охирига қадар ички автомобиль бозорида 60 та бренддан атиги 14 таси қолди.

2022 йил охирига келиб Россия автомобиль бозорида 60 та бренддан атиги 14 таси қолган, улардан учтаси Россияники, қолганлари эса Хитой автомобиллари.

“Бугунги кунда янги автомобиллар бозоримизда 14 та бренд ишламоқда. Улардан учтаси маҳаллий автомобиллар -Lada, ГАЗ, УАЗ. Қолганлари Хитойники – Chery, Geely, Haval, Jac, Faw, Dongfeng, Changan, Exeed, Gac, Foton, Omoda”- деб таъкидланади “РОАД” уюшмаси хабарида.

“Миллий микс нуқтаи назаридан (бозоримизда фаолият юритаётган миллий брендлар сони) Россия автомобиль бозорининг 78 фоизини Хитой машиналари ташкил этади”, дейилади хабарда.

Айни пайтда Европа, Америка ва Кореянинг деярли барча брендлари Россияга автомобиль етказиб беришни тўхтатган. Саноат ва савдо вазирлиги, ўз навбатида уларни параллел импорт рўйхатига киритган. Шунинг учун унга қуйидаги автомобиллар киритилган: Volkswagen, Skoda, Toyota, Lexus, Nissan, BMW, Mercedes-Benz, Porsche, Lamborghini, Infiniti, Rolls-Royce, Jaguar, Land Rover, Ford, General Motors, Bugatti, Bentley, Jeep, Chrysler, Cadillac, Chevrolet, Dodge, Ferrari, Aston Martin.

Аввалроқ “РИА Новости” параллел импорт Россия автомобиль бозоридаги вазиятни яхшилаши, бироқ уни тўлиқ ҳал қила олмаслиги ҳақида ёзган эди.

2023 йилда таклиф тақчиллиги давом этади, ҳозир у энг кўп седан сегментида сезилади, деб ёзади “РИА Новости”.