Росссияда яшаётган Марказий Осиё халқлари ўртасида қайси миллат вакиллари кўпроқ?

Россия – кўп миллатли давлат. ”Росстат” мамлакат фуқаролари сафида  қанча  Марказий Осиёлик миллатлар истиқомат қилишини ўрганиб чиқди.

Россия  фуқаролари орасида ўзбек миллатига мансуб бўлганлар сони ортди. 2010 йилги аҳолини рўйхатга олиш натижаларига кўра уларнинг сони 290 минг кишини ташкил этди. 2020 йилги аҳолини рўйхатга олиш маълумотларига кўр ўзбекларнинг сони 323 278 нафарга етди.

Ўзини тожик миллатига мансуб деб ҳисобловчи Россия фуқаролари сони 10 йил ичида деярли уч баравар кўпайган.

2010 йилги аҳолини рўйхатга олиш натижаларига кўра, мамлакатда 120 мингга яқин тожиклар истиқомат қилган. 2020 йилда ўтказилган аҳоли рўйхатига кўра, Россияда тожик миллатига мансуб фуқаролар сони аллақачон 350 236 нафар бўлган. Бу ҳақда Sputnik Ўзбекистон маълумот берди.