Rostov viloyatida migrantlarga kuryer va sotuvchi sifatida ishlash taqiqlanadi

Rostov viloyatidagi migrantlarga 2026-yil 1-apreldan 31-dekabrgacha kuryer yoki oziq-ovqat, ichimliklar va tamaki mahsulotlarining ulgurji yoki chakana sotuvchisi bo‘lib ishlash taqiqlanadi.

1-martdan boshlab migrantlarga qimmatbaho metallarni sotish va fitnes markazlari faoliyatida ishtirok etish ham taqiqlanadi. Hozirda, RBC Rostov ma’lumotlariga ko’ra, mintaqada 400 mingdan ortiq o’zini o’zi band qilgan kuryerlar ishlaydi. Ular orasida chet elliklar ulushi Moskva yoki Sankt-Peterburgga qaraganda kamroq.

Rostov viloyatidan tashqari, yetkazib berish, tashish va savdo sohasida migrantlar ishiga oid shunga o’xshash taqiqlar va qat’iy cheklovlar bir qator mintaqalarda, asosan Irkutsk viloyati, Xabarovsk o’lkasi, Sankt-Peterburg va boshqa bir qator mintaqalarda allaqachon amal qiladi yoki 2026-yilda ham uzaytirildi.

Sankt-Peterburg

2025-yildan boshlab va 2026-yil oxirigacha patent bilan kuryerlik, taksi haydovchisi sifatida ishlashga xorijiy fuqarolarning taqiqlanadi.

Irkutsk viloyatida 16 ta sohada migrantlarga taqiqlar, cheklovlar 2026-yilgacha uzaytirildi.

Taqiqlangan sohalarga quyidagilar kiradi:
jamoat transporti va taksilar;
uy-joy kommunal xizmatlari va chakana savdo sohasidagi ba’zi ish o’rinlari.

Xabarovsk oʻlkasi

Migrantlarning uy-joy kommunal xizmatlari va transport sohasida ishlashiga qoʻyilgan taqiq 2026-yil oxirigacha uzaytirildi.

Rossiya mintaqalarining taxminan uchdan bir qismi 2026-yilga kelib mehnat migrantlari uchun yetkazib berish va kuryerlik xizmatlari, taksi va yer usti transportida to’liq taqiq yoki juda qattiq kvotalarni joriy etgan.