“Ўзбекистон фуқароси суд ҳукмига биноан Россия давлати ҳудудидан чиқарилиб юборилиши керак бўлган. Суд приставлари ҳамроҳлигида паспорт назорати бўлимигача етказилган. Бироқ рейсга чиқишдан олдин кўплаб миқдорда спиртли ичимликлар истеъмол қилганлиги сабаб самолётга чиқишдан бош тортган”, – дея хабар беради манба.

Самолётга йўловчилар чиқиши тўхтагандан сўнг фуқаро аэропорт ҳудудини тарк этишга ҳаракат қилган, аммо чегарачилар томонидан тўхтатилган.

“Орадан маълум муддат ўтгач, фуқаро Россия ҳудудини тарк этмаслик мақсадида яна бир уриниб кўради. Бу сафар соат 03:30 ҳамда 04:30 орасида полицияга қўнғироқ қилиб, аэропорт миналаштирилганлиги ҳақида маълумот беради. Шу орада фуқаро ёнидан ўтиб кетаётган полиция ходимида шубҳа уйғотганлиги сабабли қўлга олинади”, – дейди манба.

Аэропорт миналаштирилганлиги ҳақидаги ёлғон маълумот берилганига қарамай, аэропорт ҳудудида хавфсизлик чоралари кучайтирилган.