Samarada migrantlar endi “dvornik” ham bo‘lolmaydi

2026-yildan boshlab Samara viloyati patent asosida ishlaydigan xorijiy fuqarolarni ishga qabul qilishga nisbatan qat’iy cheklovlarni joriy etadi. Yangi qoidalar ayrim kasblar uchun ilgari mavjud bo’lgan barcha istisnolarni bekor qiladi.

Samara viloyati gubernatori Vyacheslav Fedorishchevning 2025-yil noyabr oyida tayyorlangan, patentga ega migrantlarga sanoat, savdo, xizmat ko’rsatish, yo’lovchi tashish, ovqatlanish xizmati, ta’lim va pochta aloqasi sohasida ishlash taqiqi cho‘zildi. Cheklovlar oziq-ovqat ishlab chiqarish, dvigatel ishlab chiqarish, turbina ishlab chiqarish, dron ishlab chiqarish va aerokosmik muhandislik kabi yirik sanoat tarmoqlariga ham tegishli.

Ilgari mintaqada xorijiy fuqarolarni farrosh, “dvornik” va idora ishchilari sifatida yollashga imkon beruvchi qoidalar yumshatilgan edi. 2026-yildan boshlab bu istisnolar ham bekor qilinadi va bu ishlar ham migrantlar uchun taqiqlandi.

Rasmiylar qoidalarning kuchayishini Rossiya Ichki ishlar vazirligining tavsiyalari bilan bog’laydi. Asosiy maqsad – patent bilan ishlovchilar sonini kamaytirish, Rossiya fuqarolarini ishga qabul qilishga ustuvor ahamiyat berish va xavfsizlikni yaxshilashdir. Yangi cheklovlar 2024–2025-yillarda amalga oshirilgan migratsiya siyosatini, shu jumladan ilgari qabul qilingan qoidalarni davom ettiradi.

Farmonga muvofiq, ish beruvchilarga shaxsiy hujjatlarini yangi talablarga muvofiqlashtirish uchun uch oy vaqt beriladi.

Samara viloyati O’zbekiston va Tojikiston kabi Markaziy Osiyo mamlakatlaridan kelgan mehnat migrantlari uchun mashhur joy hisoblanadi. Yangi choralar minglab xorijiy ishchilarga ta’sir qilishi va ularning Rossiyaning boshqa mintaqalariga ketishiga olib kelishi mumkin.