Sankt-Peterburg: Yangi yil kelmay yangi reydlar boshlanib ketdi

Yangi yil arafasida Sankt-Peterburgda migrantlarga qarshi reydlar bo‘lib o‘tdi.

O‘tgan yili Sankt-Peterburgda ham Yangi yil arafasida migrantlarga qarshi reyd o‘tkazilgan va 3 mingga yaqin muhojir hibsga olingan edi.

“Fontanka”ning yozishicha, xorijliklarning hujjatlari politsiya va OMON xodimlari tomonidan tekshirilgan, muhojirlarning bir qismi hibsga olingan. Nashr shuningdek, mahbuslar ketayotgan avtobus tasvirini ham chop etdi. 78.ru xabariga ko‘ra, politsiya bo‘limlariga mingga yaqin odam olib ketilgan.

Nashr ma’lumotlariga ko‘ra, qo‘lga olinganlarning 600 dan ortig‘i mamlakatda migratsiya qonunchiligini buzgan holda bo‘lgan va ularga nisbatan ma’muriy bayonnomalar tuzilgan. Yuzdan ortiq odam deportatsiya qilinishi mumkin, deb yozgan Fontanka.

2024-yilda Rossiyada migratsiya siyosati kuchaytirildi. Xususan, xorijliklarni patent va ishlash uchun ruxsat olish uchun testdan o‘tkazish tizimi o‘zgartirildi: undan tijorat tuzilmalari chiqarib tashlandi va hozirda Rossiyaning faqat 92 davlat idorasi migrantlardan imtihonlarni qabul qiladi. Test sinovlari davomida chet elliklarning rus tili, Rossiya tarixi va mamlakat qonunchiligi asoslari bo‘yicha bilimlari sinovdan o‘tkaziladi.

Bundan tashqari, rus tilini bilmaydigan muhojirlarning farzandlarini maktablarga kiritishni taqiqlovchi qonun qabul qilindi.

Rossiya prezidentining matbuot kotibi Dmitriy Peskov ta’kidlashicha, muhojirlar Rossiya uchun keskin demografik vaziyat fonida mamlakatning jadal rivojlanishi uchun zarur, shuning uchun Rossiya ularning kelishini qo‘llab-quvvatlaydi.