Sankt-Peterburgda «bombila»lar ko‘paydi

Migrantlarga Sankt-Peterburgda taksi haydovchisi sifatida ishlash taqiqlanganidan so‘ng, bozordagi vaziyat sezilarli darajada o‘zgardi. Mutaxassislarning fikricha, taksiga talab yuqori, ammo haydovchilar yetishmayapti. Bu narxlarning oshishiga olib keldi va 1990-yillardagi kabi «bombila»lar yana ko‘chalarda paydo bo‘lmoqda.

Komendantskiy prospektida ertalab ko‘plab xususiy taksi haydovchilarini ko‘rish mumkin. Ular odamlarni metrogacha har bir kishidan 150 rubl olishsada, mijozlari har doim ko‘p. Bu noqonuniy haydovchilar ko‘pincha metro bekatlari va transport almashiladigan joylar turishadi.

Peterburg rasmiylari tomonidan taksi haydovchisi sifatida ishlash taqiqlangan migrantlarning ikkita varianti bor: yoki noqonuniy ravishda shaxsiy haydash bilan shug‘ullanish yoki qoidalarni chetlab o‘tib, mashinalarni onlayn ravishda taksi agregatorlariga ulaydiganlarni qidirish.

Taqiq taxminan 4500 migrantga ta’sir qildi. Rasmiylar rossiyaliklar uchun ish o‘rinlarini bo‘shatish va yo‘l harakati xavfsizligini yaxshilashni da’vo qilmoqda. Biroq, deputatlar deyarli o‘zgarmaganini tan olmoqda: noqonuniy migrantlar faoliyat yuritishda davom etmoqda.

Ichki ishlar vazirligi avgust oyidan beri migratsiya qonunlarini buzuvchilarni tekshirish uchun reydlar o‘tkazmoqda. Ammo qonuniy taksi bozorida, hatto hech qachon chet elliklarni yollamagan kompaniyalarda ham muammolar mavjud.
Ayni paytda, Sankt-Peterburgda yo‘l haqi 1,5-2 baravar oshdi. Shimoli-g‘arbiy federal okrugda taksini rivojlantirish bo‘yicha jamoatchilik kengashining ma’lumotlariga ko‘ra, agregatorlar mingdan ortiq haydovchini ishdan bo‘shatgan – ko‘plari ishlashni to‘xtatgan.