Мақола

439 14/06/2023

15 июн куни соат 11:00 дан 15:00 гача Южний миграция маркази (Кубинская, 77) ҳудудида хорижий фуқаролар учун “Санкт-Петербург қаноти остида” деб номланган ва Россия кунига бағишланган тадбир бўлиб ўтади.

“Санкт-Петербург қаноти остида” тадбири доирасида иштирокчилар рус маданияти тарихига шўнғиш, ҳақиқий рус чойини татиб кўриш, миллий рақсларни томоша қилиш ва интеллектуал викторинада иштирок этишлари мумкин бўлади. Шунингдек, ижтимоий, тиббий, ҳуқуқий ва бошқа ёрдам кўрсатиш масалалари бўйича маслаҳатлар ташкил этилади. Болалар учун кўнгилочар дастур, жумладан, ёғоч қошиқларни бўяш, аквагрим ва твистинг бўйича маҳорат дарслари бўлади.

Ҳар бир иштирокчи рус чойи ичиш анъаналари билан танишиш ва ҳақиқий ҳарбий-дала ошхонаси таомини татиб кўриш имкониятига эга бўлади. Тадбир доирасида, шунингдек, миллий ижодий жамоалар иштирокида концерт ва Россия ҳақида интеллектуал викторина ўтказилади, ғолиблар қимматбаҳо совғалар билан тақдирланади.

Тадбирга кириш ва иштирок этиш бепул. Тадбир Санкт-Петербург Миллатлар уйи томонидан Санкт-Петербургдаги Миллатлараро муносабатлар ва миграция сиёсатини амалга ошириш қўмитаси кўмагида ўтказилмоқда.

Ушбу тизимдаги навбатдаги тадбир 21 август куни Софийская сабзавот базасида ўтказилиши режалаштирилган.

Эрининг ўчини боласидан олаётган аёллар

Навигация