Sankt-Peterburgda kuryerlar yetishmayapti

Sankt-Peterburgda yetkazib berish xizmatlariga talab keskin oshgan bo‘lsa-da, kuryerlar soni yetarli emas. Shaharga hozir kamida 10 000 ishchi yetishmayapti, deb xabar bermoqda «MAKS» uyushmasi rahbari Aleksandr Mityukov.

2024-yildan beri yetkazib berish xizmatlariga talab 870% ga, ya’ni deyarli o‘n baravarga oshdi. Hozirda ushbu sohada 65 000 dan ortiq kishi ishlaydi, o‘tgan yozda bu ko‘rsatkich 60 000 ga yaqin edi. Kompaniyalar o‘z xodimlarini 15-25% ga oshirdi, ammo bu hali ham yetarli emas – buyurtmalar juda ko‘p.

Tanqislikning sabablaridan biri migrantlarga qo‘yilgan cheklovlardir. Kuzda patentga ega bo‘lgan chet elliklarga kuryer sifatida ishlashni taqiqlovchi qoida joriy etildi. Bu taqiq 2026-yilgacha uzaytirildi.

Mutaxassislarning fikriga ko‘ra, migrantlar qisman ruslar bilan almashtirilgani ham muammoni hal qilmadi. Sababi oddiy: mahalliy aholi kamroq ishlaydi, shuning uchun kuryerlar yetishmaydi.
Odam yetishmaganidan kuryerlarning o‘rtacha maoshi oshib, oyiga taxminan 120 000 rublni tashkil qiladi. Mijozlar uchun yetkazib berish xarajatlari ba’zi hollarda ikki baravar qimmatladi.

Biroq narxlarning oshishiga qaramay, odamlarning buyurtma berishi kamaygani yo‘q. Narxlarni avvalgi darajalariga qaytarish uchun bozorga kamida 10 000 ta qo‘shimcha kuryer kerak.

Hozirda kompaniyalar faol ravishda yollash va bonuslar taklif qilishmoqda. Shahar aholisi uchun vaziyat quyidagicha: yetkazib berishlar oshdi, xizmatlar ham oshdi, ammo narx ancha yuqori.