Санкт-Петербургда мигрант фаррошларга ҳужум қилган икки ўсмир қўлга олинди

Ҳуқуқ-тартибот идоралари ходимлари Санкт-Петербургда қўшни давлатлардан ишлаш учун келган фаррошларни калтаклашда гумон қилинган икки нафар 16 ёшли ўсмирни қўлга олди.

Бу ҳақда 24 декабрь, якшанба куни Ички ишлар вазирлигининг Санкт-Петербург ва Ленинград вилояти бўйича бош бошқармаси матбуот хизмати хабар берган. Вояга етмаганларнинг бешта ҳужумга алоқадорлигини интернетда эълон қилинган видеолар орқали аниқлаш мумкин бўлди.

Видеоёзувларни ўрганиб чиқиб, полиция Россия Федерацияси Жиноят кодексининг 213-моддаси (“Безорилик”) билан жиноят иши қўзғатди.

“15-20 декабр кунлари содир этилган бешта ҳужумда қатнашган 16 ёшли икки ўсмир аниқланди. Бундан ташқари, жабрланганларнинг барчаси – икки аёл ва уч эркак давлат хизматида фаррош бўлиб ишлайди. Бир аёлдан бошқа жабрланганлар  қўшни давлатлар фуқаролари”, — деб хабар берган ҳуқуқ-тартибот идоралари ходимлари.

Айни вақтда, меҳнат муҳожирларига ҳужумларда ҳибсга олинган уч ўсмирдан ташқари 14 ёшли саккизинчи синф ўқувчиси ҳам иштирок этган бўлиши мумкин.

Шунингдек, нашрнинг қайд этишича, безорилар телеграм-каналда жиноят содир этилган жойдан видеоларни жойлаштирган ва тинтув чоғида улардан бирида айбловлар бўйича свастика тасвирланган ўқли қурол, иккита газ баллон ва йиғма пичоқ борлиги аниқланган.

Дастлабки маълумотларга кўра, ёши каттароқ маҳбуслар тергов изоляторига жойлаштирилган, кичиги эса гувоҳ сифатида сўроқ қилинган ва қўйиб юборилган. Тергов ишлари давом этмоқда.