Sharq sehri: belaruslar O‘zbekistonni kashf etishmoqda

Belarus fuqarolari dam olish uchun O‘zbekistonni ko‘proq tanlashmoqda

Bu haqida BelTA agentligiga Belarus Sport va Turizm vazirligining turizm departamenti direktori Irina Voronovich ma’lum qilgan.

Uning ta’kidlashicha, 2023-yili O‘zbekistonga belaruslik turistlar oqimi 3 barobar ko‘paygan. “Biz o‘zbekistonlik hamkasblarimiz bilan hamkorlikda ishlayapmiz va 2024-yil uchun ham allaqachon rejalarni imzolaganmiz”, deydi Voronovich.

Uning so‘zlariga ko‘ra, O‘zbekiston rang-barang tarixga va madaniyatga ega bo‘lgan qiziq hamda go‘zal mamlakat. Shuning uchun belarusliklar dam olish maqsadida bu yo‘nalishga ko‘p e’tibor berishmoqda.