Sheremetyevoda samolyotga chiqishning yangicha usuli sinovdan o‘tkazilmoqda

Sheremetevo aeroporti biometrik samolyotga chiqish tizimini sinovdan o‘tkazishni boshladi. Yo‘lovchilar endi aeroportdagi ba’zi proseduralarni pasport yoki samolyotga chiqish taloninisiz, yuz skanerlash yordamida bajarishlari mumkin bo‘ladi.

Aeroport ma’lumotlariga ko‘ra, uskunalar allaqachon davlat tomonidan boshqariladigan Yagona identifikatsiya va autentifikatsiya va Yagona biometrik tizimga ulangan. Texnologiya hozirda sinov rejimida.

Tizim to‘liq ishga tushirilgandan so‘ng, yo‘lovchilar hujjatlarni taqdim etmasdan ro‘yxatdan o‘tishi, xavfsizlik bo‘limiga kirishi va samolyotga chiqishi mumkin bo‘ladi. Buning uchun biometrik uskunalar bilan jihozlangan maxsus turniketdagi kameraga qarash kifoya.

Aeroport mas’ullari xabar berishicha, tizim odamni yuzidan avtomatik ravishda taniydi va uning ma’lumotlarini hukumat ma’lumotlar bazalari bilan taqqoslaydi. Yo‘lovchilar biometrik ma’lumotlarini to‘g‘ridan-to‘g‘ri ayeroportda topshirishlari mumkin bo‘ladi. Jarayon o‘n daqiqadan ko‘p bo‘lmagan vaqtni oladi.
Tizim hozirda sinov rejimida ishlamoqda.

Shunga o‘xshash biometrik texnologiyalar ilgari banklar, metro va davlat xizmatlarida joriy etilgan edi. Endi ular asta-sekin Rossiya aeroportlarida ham joriy etilmoqda. Ko‘pgina mutaxassislarning fikricha, bu xavfsizlik tekshiruvlarini tezlashtiradi va tirbandlik vaqtida va bayramlarda navbatlarni kamaytiradi.

Ba’zilar maxfiylik va shaxsiy ma’lumotlarni saqlash bilan bog‘liq muammolar nuqtai nazaridan yangi texnologiyalarni xushlamaydi. Biroq, aeroport tizim xavfsiz hukumat ma’lumotlar bazalari orqali ishlashiga kafolat bermoqda.