Smolensk viloyatidan 137 nafar migrant deportatsiya qilindi

Yil boshidan buyon Smolensk viloyatidan migratsiya qonunchiligini buzgani uchun 137 nafar chet el fuqarosi majburan deportatsiya qilingan. Ularning barchasi sud qarori bilan jarima va ma’muriy deportatsiyaga hukm qilingan.

Qoidabuzarlarning aksariyati Markaziy Osiyo davlatlari — Tojikiston, O‘zbekiston, Turkmaniston, Afg‘oniston va Ozarbayjondan kelgan. Ular orasida Hindiston, Kuba, Gruziya, Pokiston va Shri-Lanka fuqarolari ham bor.

Deportatsiya qilinishidan oldin muhojirlar xorij fuqarolari uchun maxsus muassasada saqlangan. Ijro ishi qo‘zg‘atilgandan so‘ng, Smolenskning Zadneprovskiy tumani bo‘limi sud ijrochilari barcha zarur prosessual harakatlarni amalga oshirdi.

Departament xodimlari qonunbuzarlarni davlat chegarasigacha kuzatib bordi va chegarachilarga topshirdi. Deportatsiya qilinganlarning hammasiga besh yilgacha Rossiyaga kirish taqiqlangan.