1 155 01/06/2022

Қонунни ҳимоя қилиш органлари томонидан сохта никоҳ аниқланганда, қандай чоралар кўрилади?

Россияга борган мигрантлар ўртасида маҳаллий фуқаролар билан келишиб, сохта никоҳ тузаётганлар талайгина. Бундай никоҳлар одатда икки томонлама келишув асосида амалга оширилади. Сўнгги пайтларда ана шундай сохта никоҳларни аниқлаш бўйича текширувлар ҳам ўтказилиб турибди. Қонунни ҳимоя қилиш органлари томонидан сохта никоҳ аниқланганда, қандай чоралар кўрилади?

Сохта никоҳ учун қандай чоралар кўрилади:

  • 1) Сохта никоҳ натижасида олинган фуқаролик ёки яшаш учун рухсатномалар бекор қилинади.
  • 2) Никоҳ тузиш мақсадида тузилган битимлар бекор қилинади.
  • 3) Чет эл фуқароси депортация қилиниши мумкин.
  • 4) Айрим ҳолларда чет эл фуқароси ҳатто жиноий жавобгарликка тортилиши ҳам мумкин.

Никоҳни сохта деб тан олиш учун ким судга мурожаат қилиши мумкин?

  • Буни никоҳдан ўтган турмуш ўртоқлардан бири қилиши мумкин. Масалан, никоҳ тузаётганда турмуш ўртоқларда бири уни қонуний деб тахмин қилган бўлса, бошқаси бирор фойдани кўзлаб, сохта никоҳни режалаштирган бўлиши мумкин.
  • Прокурор ҳам судга мурожаат қилиши мумкин. У ҳар икки турмуш ўртоқни ҳам сохта никоҳдан ўтишда ва бу ҳақиқий оила тузиш учун қилинмаганликда айблаши мумкин.

Суд айбловнинг адолатлилигини аниқлашда, турмуш ўртоқларнинг биргаликда яшашлари, умумий рўзғор қилишлари, бир-бирларининг муаммоларини билишлари, турмуш ўртоқларининг бошқа оилалари борлиги, шунингдек никоҳдаги оиласи билан эмас, балки бошқа шахслар билан яшашларига оид омилларни инобатга олади.

Россия фуқаролигини олишда фақат қонуний асослардан фойдаланинг!

Эрининг ўчини боласидан олаётган аёллар

Навигация