Волгоградлик аёл 5 минг рубль учун ўзбек билан никоҳдан ўтди

 Аммо Тракторозаводский туман прокуратураси “тўй”ни бузди.

Ўтган йилнинг январь ойида Волгоград шаҳрида Россия фуқароси бўлган 39 ёшли аёл билан Ўзбекистон фуқароси никоҳдан ўтишган эди.

Туман прокуратураси томонидан ўтказилган текширувлар чоғида бу жуфтлик оила қуриш мақсадида эмас, РФ фуқаролигини енгиллаштирилган тартибда олиш учун никоҳдан ўтганликлари маълум бўлди, дея хабар берди “Городские вести” АА вилоят прокуратураси маълумотига асосланиб.

Сохта никоҳ учун Ўзбекистон фуқароси волгоградлик аёлга 5000 рубль берганлиги аниқланди. Тракторозаводский туман суди бу никоҳни ноқонуний деб топди.

Вилоят прокурори мазкур  фуқаролик ҳолатини қайд қилиш давлолатномасини бекор қилиш учун судга талабнома йўллади.  Ўз навбатида Тракторозаводский туман суди бу никоҳни ноқонуний деб топди.