Soxta “prava” ishlatgan migrant sudlanadi

Ryazandagi “Dyagilevskiy” yo‘l politsiyasi postida politsiya xodimlari qalbaki haydovchilik guvohnomasini ko‘rsatgan 34 yoshli Markaziy Osiyo respublikalaridan birining fuqarosini qo‘lga oldi. Hujjatning sifati inspektorlarda shubha uyg’otdi, shundan so’ng u ekspertiza uchun yuborildi.

Ekspertiza natijalari hujjatning qalbaki ekanligini tasdiqladi. Xorijiy fuqaroga nisbatan Rossiya Federatsiyasi Jinoyat kodeksining 327-moddasi 3-qismi (qasddan soxta hujjatdan foydalanish) bilan jinoyat ishi qo‘zg‘atilgan. Ushbu moddaning eng yuqori jazosi bir yilgacha ozodlikdan mahrum qilishni nazarda tutadi.

Aziz muhojirlikdagi hamyurtlar, hech qachon soxta hujjatlardan foydalanmang. Bu qamoqqa olish, deportatsiya qilish va Rossiyaga kirishni taqiqlash bilan yakunlanishi mumkin bo’lgan jinoiy huquqbuzarlikdir. Har doim hujjatlarni rasmiy va yuridik organlar orqali rasmiylashtiring.