Sverdlovsk viloyatida migrant-haydovchilar ishtirokidagi avariyalar soni keskin kamaydi

Sverdlovsk viloyatida migrant-haydovchilar ishtirokidagi yoʻl-transport hodisalari soni bir yil ichida 29% ga kamaydi. Bunday ma’lumotlarni «PromReyting» tahliliy agentligi oʻz tadqiqotida keltirmoqda.

GAI rasmiy statistikasiga koʻra, 2026-yilning birinchi yarmida Rossiyada chet ellik haydovchilar ishtirokida 1705 ta yoʻl-transport hodisasi yuz bergan. Bunda 93,7% holatlarda avariyaga MDH mamlakatlari fuqarolari uchragan. Mutaxassislar bunday YTHlar soni barqaror ravishda kamayayotganini ta’kidlamoqda. Oʻtgan yilning shu davriga nisbatan chet elliklar ishtirokidagi yoʻl hodisalari soni 18,1% ga kamaygan. Ushbu davr ichida mamlakatda jami 54 289 ta avariya qayd etilgan. Bu chet ellik haydovchilar ulushiga yoʻl-transport hodisalari umumiy sonining atigi 3,1% i toʻgʻri kelishini anglatadi.

«РосМиграция.рф» tashkiloti rahbari Dmitriy Strunkin migratsiya sohasidagi davlat siyosati real natijalar berayotganini aytadi. U bir yil ichida avariyalar sonining 18% ga kamaygani koʻrilgan chora-tadbirlarning foydasini tasdiqlashini ta’kidladi. Uning soʻzlariga koʻra, nazoratni kuchaytirish, mehnat bozorini legallashtirish va barcha protseduralarni raqamlashtirish muvaffaqiyatli ishlamoqda hamda yoʻl harakatini xavfsizroq qilmoqda.