Tojikistonlik migrantlar “medosmotr”ni o‘z vatanida o‘tadi

Rossiya va Tojikiston mehnat migrantlari uchun yangi qoidalar bo‘yicha kelishib oldi. Shartnoma 2025-yil 9-oktyabrda Dushanbeda imzolangan.

Endi migrantlar Rossiyaga jo‘nab ketishdan oldin o‘z mamlakatlarida tibbiy ko‘rikdan o‘tishlari shart.

Tekshiruv Rossiya Sog‘liqni saqlash vazirligi tomonidan tasdiqlangan Tojikistondagi ixtisoslashgan tashkilotlar tomonidan o‘tkaziladi.

Tekshiruvdan so‘ng shaxsga Rossiyada amal qiladigan tibbiy ma’lumotnoma beriladi.

Bunday tibbiy markazlar bojxona to‘lovlari, soliqlar yoki binolar uchun ijara haqini to‘lashlari shart emas. Ular shuningdek, yuqumli kasalliklar ma’lumotlar bazalaridan foydalanishlari mumkin.

Shartnomaga ko‘ra endi tibbiy ko‘rik pullik bo‘ladi va milliy valyutada to‘lanadi. Hammasi tibbiy xizmatlar shartnomasi bo‘yicha rasmiylashtiriladi

Deputat Abdulhakim Gadjiyevning so‘zlariga ko‘ra, asosiy maqsad xavfsizlikdir.

Hozirgacha amalda bo‘lgan qonunga ko‘ra, migrantlar Rossiyaga kelganlarida tibbiy ko‘rikdan o‘tar edi. Agar jiddiy kasalliklar aniqlansa, shaxs davolanadi yoki deportatsiya qilinardi.

Endi hamma narsa o‘zgaradi:
Agar sog‘liqda muammolar oldindan aniqlansa, shaxs shunchaki Rossiyaga yuborilmaydi.

Yana bir sabab – Rossiya kasalxonalariga yuk va infeksiyalar tarqalish xavfini kamaytirish.

Yana bir deputat Nikolay Buduyev ilgari odamlar sayohatga pul sarflagani, kelganidan so‘ng vataniga qaytarib yuborilardi. Endi bunday holatlar kamroq bo‘lishi kutilmoqda.

https://topnews.kg/v-mire/117148-gosduma-razreshila-provodit-medosmotr-tadzhikskih-migrantov-do-ih-priezda-v-rossiju.html