Tojikistonlik migrantning o‘rmonda osilgan jasadi topildi

2024-yil 3-mart kuni “Bomdod” axborot portaliga tojikistonlik muhojirning jasadi Rossiya o‘rmonida topilgani haqida video kelgan.

Erkak o‘z joniga suiqasd qilganmi yoki birov tomonidan o‘ldirilganmi, hozircha noma’lum.

“Bomdod” manbalarining xabar berishicha, marhumning cho‘ntagidan 1989-yil 15-avgustda tug‘ilgan Asoev Ma’ruf Jamshedovich nomidagi Tojikiston fuqarosining chet el pasporti topilgan. Pasport yaqinda – 2023-yil iyul oyida Ichki ishlar vazirligining Dushanbe shahridagi boshqarmasi tomonidan berilgan.

Boshqa tafsilotlar noma’lum. Tojikiston fuqarosining jasadi Rossiyaning qayeridan va qaysi hududidan topilgani haqida “Bomdod” nashriga ma’lumot berilmagan.