Tojikistonlik muhojirlar va chechenistonliklar janjali pichoqvozlikka aylandi

Jinoyat qidiruv xizmati Peterburg markazidagi etnik nizoda ishtirok etgan yana uch kishini qo‘lga oldi. Bu haqda shahar va viloyat bo‘yicha Rossiya IIV Bosh boshqarmasi matbuot xizmati xabar bermoqda.

17-mart kechqurun polisiyaga Ligov prospektidagi «Галерея» savdo markazi oldida ommaviy mushtlashuv sodir bo‘lgani haqida xabar kelib tushgan. Biroq, xodimlar voqea joyiga yetib borganida, hech kim bo‘lmagan. Tekshiruv davomida janjal Chechenistonlik va tojikistonliklar o‘rtasida sodir bo‘lgani aniqlangan. Hodisa bo‘yicha bezorilik moddasi bilan jinoyat ishi qo‘zg‘atildi.

Ertasi kuni muhojirlar kamroq ko‘zga tashlanadigan joyda yana munosabatlarni aniqlashga qaror qilib, «Ligov» savdo markazi oldida yig‘ilishgan. Muhokama pichoqbozlikka aylangan va natijada jarohatlangan 31 yoshli chechenistonlik og‘ir ahvolda kasalxonaga yotqizilgan. Bu esa sog‘liqqa og‘ir ziyon yetkazish moddasi bo‘yicha yana bir jinoyat ishi ochilishiga sabab bo‘ldi.

Tergov jarayonida 20-mart kuni politsiya xodimlari avval Blagodatnaya ko‘chasidagi 47-uy oldida pichoq bilan yaralashda gumon qilingan 22 yoshli tojikistonlikni qo‘lga olishdi. Keyinroq, o‘sha kunning o‘zida «Galereya» savdo markazi oldidagi janjalda ishtirok etganligi gumon qilingan yana ikki nafar 22 yoshli muhojir ham qo‘lga olingan.

Shuningdek, keyinroq yana uch ishtirokchi ushlangan: ikki yil oldin Rossiya fuqaroligini olgan 18 yoshli rossiyalik va Markaziy Osiyodan bo‘lgan uning 19 yoshli ikki sobiq vatandoshi. Tezkor-qidiruv tadbirlari davom etmoqda.