Tomskdan 133 nafar migrant deportatsiya qilingan

Noqonuniy migrantlarni deportatsiya qilish bo’yicha eng ko’p buyruqlar O’zbekiston fuqarolariga tegishli (87). Boshqa davlatlar (Qirg’iziston, Tojikiston, Turkmaniston, Armaniston, Ozarbayjon, Qozog’iston, Belarus, Gruziya va Moldova) fuqarolari ancha kam deportatsiyaga uchragan – jami 45 ta. G’arbiy Afrikadan (Kot-d’Ivuar) kelgan migrant ham Tomskdan deportatsiya qilindi.

Afrikalik muhojir Tomsk universitetida talaba bo’lgan va bir yildan so’ng o‘qishdan haydalgan. U vizasi muddati tugaganidan keyin mamlakatni tark etmagan va shu bilan ma’muriy huquqbuzarlik sodir etgan.

Xorijiy fuqarolar tomonidan ma’muriy deportatsiyaga olib keladigan eng ko’p uchraydigan huquqbuzarlik Rossiya Federatsiyasiga kirish qoidalarini yoki qolish (yashash) qoidalarini buzishdir (Rossiya Federatsiyasi Ma’muriy huquqbuzarliklar kodeksining 18.8-moddasi).

Rossiya Federatsiyasidan majburiy ma’muriy deportatsiya qo’llanilganda, noqonuniy migrantlar ixtisoslashtirilgan muassasaga (Rossiya Ichki ishlar vazirligining Tomsk viloyati bo’yicha Chet el fuqarolarini vaqtinchalik saqlash markazi) joylashtiriladi va keyinchalik Rossiya davlat chegarasidagi nazorat punktiga (odatda xalqaro aeroportda) kuzatib qo’yiladi. Sud buyruqlari, shuningdek, Ichki ishlar vazirligining ma’muriy deportatsiya to’g’risidagi hujjatlari sudlarning belgilangan tartiblarini ta’minlash uchun mas’ul bo’lgan sud ijrochilari tomonidan ijro etiladi.