Тошкент ва Волгоград ўртасидаги поездлар қатнови биттага кўпайди

Поезд чоршанба кунлари пойтахтнинг марказий вокзалидан соат 23:00 да жўнайди ва Волгоградга шанба куни соат 9:56 да етиб боради. Ҳаракат вақти тахминан 60 соатни ташкил этади.

“Ўзбекистон темир йўллари” 5 октябрдан Тошкент ва Волгоград ўртасида навбатдаги поезд қатновини йўлга қўймоқда, деб ёзади Podrobno.uz сайти.

Поезд чоршанба кунлари пойтахтнинг марказий вокзалидан соат 23:00 да жўнайди ва Волгоградга шанба куни соат 9:56 да етиб боради. Ҳаракат вақти тахминан 60 соатни ташкил этади.

Поезднинг плацкарт вагонларида 376 та ўрин, купеларда 96 та ўрин бор. 29 августда плацкарт вагонга чипта нархи -1,3 миллион сўм, купега – 2 миллион сўмни ташкил этди.

Чиптани “Ўзбекистон темир йўллари” кассаларидан ёки chipta.railway.uz сайти орқали харид қилиш имкони мавжуд.

Батафсил маълумотларни касса, маълумотлар бюроси ёки 1005 телефон рақами орқали олишингиз мумкин.