Тошкент – Воронеж авиарейслари йўлга қўйилади

Парвозлар ҳафтанинг сешанба кунлари амалга оширилади.

14 июндан бошлаб «Ўзбекистон ҳаво йўллари» Тошкентдан Воронежга авиақатновларни йўлга қўяди, деб хабар қилади компания ахборот хизмати.

Парвозлар ҳафтасига бир марта сешанба кунлари 180 йўловчи сиғимига эга бўлган Airbus 320 лайнерларида амалга оширилади.

Тошкент ва Воронеж ўртасида авиарейсларнинг қайта йўлга қўйилиши жорий йилнинг февраль ойи ўрталарида маълум қилинган эди. Хабарга кўра, рейслар 28 мартдан бошлаб амалга оширилиши режалаштирилганди.

Манба: uz24.uz