Тошкентдан Красноярскка парвозлар йўлга қўйилмоқда

Uzbekistan Airways Express 2022 йил 25 июнда Тошкент –Красноярск шаҳарлари ўртасида халқаро авиақатновнинг илк парвозини амалга оширади.

Маълум қилинишича, мунтазам авиақатновлар ҳафтада бир марта – шанба кунлари амалга оширилади.

• Тошкентдан учиш: 17:30 (Тошкент вақти билан);
• Красноярскка етиб бориш: 23:00 (Красноярск вақти билан);
• Красноярскдан учиш: якшанба куни 00:30 (Красноярск вақти билан);
• Тошкентга етиб келиш: якшанба куни 02:15 (Тошкент вақти билан).

Авиачипталарни www.uzairways.com расмий сайтидан 3% чегирма билан, Uzbekistan Airways Sales шохобчалари ва авиакомпания агентларидан харид қилиш мумкин.