Тунда иккита дрон «Москва Сити»га келиб урилди

Мудофаа вазирлиги Москвадаги объектларга учувчисиз самолётлар ҳужумини қайтарганини маълум қилди. Вазирликнинг баёнотига кўра, Москва вилоятининг Одинцово туманида битта Украина учувчисиз учиш аппарати уриб туширилган, яна иккита қурилма радиоэлектрон воситалар ёрдамида ишдан чиқарилган ва улар “бошқарувни йўқотиб, “Москва-Сити”турар-жой бўлмаган бинолар мажмуаси ҳудудида ҳалокатга учраган”.

Шаҳар мэри Сергей Собяниннинг айтишича, иккита офис биносининг олд қисми озгина зарар кўрган, унинг сўзларига кўра, ҳеч кимга зарар етмаган. ТАСС жабрланганлардан бири ҳақида ёзган, агентлик маълумотларига кўра, дронлардан бири IQ-кварталидаги 50 қаватли минорага урилган. Бундан ташқари, ТАСС куч ишлатар тузилмаларидаги манбага таяниб, Москва вилоятида уриб туширилган иккита дрон ҳақида хабар берган.

Внуково аэропорти қўниш ва парвоз учун ёпилиб, самолётлар бошқа аэропортларга йўналтирилган.