Туркия хорижликларга яшаш учун рухсатнома беришга ойдинлик киритди

Нотўғри маълумот: Туркия хорижликларга Истанбулда яшаш учун рухсатнома беришда давом этмоқда.

Туркия хорижликларга Истанбулда яшаш учун рухсатномалар берилиш тўхтатилгани ҳақидаги маълумотни ҳақиқатга тўғри келмайди деб атади. Республика Ички ишлар вазирлиги буни ҳали шаҳарнинг 29 та туманида амалга ошириш мумкинлигини таъкидлади.

Туркия хорижликларга Истанбулда яшаш учун рухсатномалар беришга қўшимча чекловлар киритмаган. Бу ҳақда якшанба куни республика Ички ишлар вазирлигининг миграция масалаларини назорат қилувчи департаменти хабар берди.

“Истанбулнинг барча 39 тумани яшаш рухсати олиш учун ёпилганлиги ҳақидаги хабарлар ҳақиқатга тўғри келмайди”- дейилади баёнотда.

Улар бундай тақиқ фақат шаҳарнинг 10 та туманига тааллуқли эканлигига эътибор қаратишган.

Департаментнинг қўшимча қилишича, буни амалга ошириш мумкин бўлган ҳудудлар рўйхати ўтган йилнинг кузида тасдиқланган ва шундан бери ўзгармаган.