Туркияга келин бўлган ўзбекистонлик қизлар сони қанча?

2022 йилда Туркияга узатилган чет эллик келинлар сони 28 минг 571 нафарни ташкил этиб, умумий келинларнинг 5,0 фоизини ташкил қилган.

Чет эллик келинлар миллатига кўра текширилганда, суриялик келинлар 13,2% билан “келгинди” келинлар орасида биринчи ўринни эгаллайди. 11,1 фоиз натижа билан ўзбекистонлик ва 8,9 фоиз билан озарбайжонлик келинлар иккинчи ва учинчи ўринларни банд этишган.

Ўтган йили хорижлик куёвлар сони 6 минг 161 кишини ташкил қилган. Бу кўрсаткич куёвларнинг умумий сонининг 1,1 фоизини ташкил этди. Хорижлик куёвлар миллатига кўра ҳисобланганда, 24,9 фоиз билан германияликлар биринчи ўринни эгаллаган бўлса, кейинги ўринни 20,5 фоиз билан сурияликлар ва 5,7 фоиз билан австрияликлар эгаллашган.