Мақола

718 21/06/2022

Агар Туркманистонга борсангиз, ниқоб тақишни унутманг. Бу ерда ҳали коронавирус ва бошқа юқумли касалликларга қарши чекловлар тўлиқ бекор қилингани йўқ.

Туркманистон Соғлиқни сақлаш ва тиббиёт саноати вазирлиги аҳоли ўртасида мавсумий юқумли касалликларнинг олдини олиш бўйича мажбурий чора-тадбирларга ўзгартиришлар киритди, деб хабар бермоқда “Дунё” ахборот агентлиги.

Туркманистонга учаётган ва Туркманистондан транзит орқали ўтувчи йўловчилар рўйхатдан ўтишдан олдин аэропортга келганларида:

  • Парвоз бошланишидан камида 48 соат олдин ПЗР расмийлаштришлари, туркман, рус ёки инглиз тилида COVID-19 тестининг манфий натижаси бўлган маълумотнома ва шунингдек вакцина олганлиги ҳақида сертификатни тақдим этишлари керак. Ушбу ҳужжатларсиз йўловчининг самолётга чиқишига рухсат берилмайди.
  • Йўловчилар аэропорт терминалида ва парвоз давомида ҳар икки соатда ниқобларни алмаштиришлари зарур бўлади.

“Туркменпортал” ахборот сайтиниг маълум қилишича Туркманистон ҳудудига кириб келаётганлар қуйидаги жамоат жойларида ҳам ниқоб тақишлари шарт:

  1. Туркманистон Давлат чегараси орқали ўтказиш пунктларида;
  2. Жамоат транспортининг барча турларида;
  3. Ёпиқ жамоат жойларида.

Ушбу мажбурий қоидалар барчага, жумладан мамалакатга кириб келаётган сайёҳларга ҳам тегишли. Қоидалар фақатгина мактабгача ёшдаги болаларга тааллуқли эмас.

Чораларнинг ўзгариши жаҳон ва минтақадаги эпидемиологик вазиятнинг барқарорлашуви билан боғлиқ, – деб таъкидлайди “Туркменпортал”.

Эрининг ўчини боласидан олаётган аёллар

Навигация