Uch bolani yong’indan qutqargan migrant Rossiyadan deportatsiya qilinmoqda

Bir necha yil oldin yonayotgan uydan uchta bolani qutqargan Armaniston fuqarosi Gevorg Avetisyan Rossiyadan deportatsiya qilinmoqda.

E1.ru saytiga ko’ra, sud uni migratsiya hujjatlarining muddati tugagani sababli deportatsiya qilishga qaror qilgan.

Avetisyan harakati cheklangani uchun yangi hujjatlarni o’z vaqtida ololmaganini tushuntiradi. Bu vaqt ichida unga Rossiyadan chiqib ketish taqiqlangan. Yangi hujjatlarni olish uchun u vataniga borishi kerak edi.

Gevorg Avetisyan endi ikki hafta davomida sudgacha hibsda saqlanmoqda va deportatsiyani kutmoqda. Uning Rossiyada uchta qizi bor; ular ajrashganidan beri u bilan birga yashashadi. Uning aytishicha, u shunchalik tez hibsga olinganki, hatto bolasini maktabdan olib ketishga ham ruxsat berilmagan. U va uning advokati viloyat sudiga shikoyat qilishdi, ammo sud deportatsiya qarorini o’z kuchida qoldirdi. Endi ular ombudsman va kassatsiya sudiga shikoyat qilishni rejalashtirmoqdalar.

Avetisyan 2019-yil yanvar oyida yonayotgan uyning derazasini sindirib uch bolani olovdan qutqargan edi. Bu jasorati uchun u qutqaruvchilar, Tergov qo’mitasi va Armaniston konsuli tomonidan mukofotlangan edi.