Ўгай қизини зўрлашда айбланаётган мигрант қочиб кетди

Ишни СКР бошлиғи Александр Бастрикин ўз назоратига олган.

Новороссийскка ишлаш учун келган ўзбекистонлик 35 ёшли фуқаро маҳаллий аёл билан танишиб, унга уйланган.

Шундан бир неча ой ўтгач, у аёли ишдалигида ўгай қизини зўрлаганликда айбланмоқда.

Муҳожирга Россия Федерацияси Жиноят кодексининг 132 ва 134-моддалари бўйича жионий иш очилган.

Мигрант қочиб кетгани аниқлангандан сўнг унга нисбатан федерал қидирув эълон қилинган. Агар айби исботланса, уни 20 йилгача қамоқ жазоси кутмоқда.

Россия Федерацияси тергов қўмитаси (СКР) раиси Александр Бастрикин, Краснодар ўлкаси бўйича Тергов қўмитаси раҳбари Андрей Маслов олдига дастлабки тергов натижалари тўғрисида ҳисобот беришни буюрди. Тергов жараёни СКРнинг марказий аппарати назоратига олинган.