Уйқунинг етарли бўлмаслиги касалликларга сабаб бўлади

Бугунги кунда мигрант ҳайдовчилар ўртасидаги кутилмаган ўлим ва йўл-транспорт ҳодисаларининг асосий сабаби сурункали уйқусизликдир.

Доимий уйқусизлик дунёдаги ва айниқса меҳнат муҳожирлари орасида жиддий касалликларнинг асосий сабабларидан биридир. Бунга диабет, саратон, юрак-қон томир касалликлари, депрессия ва ҳаёт сифатининг ёмонлашиши киради. Уйқунинг етишмаслиги жисмоний ва руҳий саломатлик каби салбий оқибатларга олиб келиши мумкин.

Уйқу етишмаслигининг асосий оқибатларидан бири бу жисмоний соғлиқнинг ёмонлашиши. Уйқунинг етишмаслиги тез чарчаш, иммунитетнинг пасайиши, юрак-қон томир тизимининг бузилиши ва бошқа соғлиқ муаммоларига олиб келиши мумкин. Бундан ташқари, уйқу кам бўлиши семириш эҳтимолини кучайтиради.

Уйқунинг етишмаслиги асабийлашиш, хотира пасайиши, диққатни жамлаш ва соғлиқдаги бошқа муаммоларни пайдо қилади. Бундан ташқари, уйқусизлик депрессия ва тушкунлик касалликларини ривожланиш хавфини ошириши мумкин.

Доимий уйқусизлик бўлганда инсонда бахт гормонларини ишлаб чиқарилмаслиги илмий жиҳатдан исботланган. Шунинг учун бундай одам ҳар доим ғамгин, “доимо норози”дек кўринади. Бундан ташқари, уйқуси кам эркакларда эркаклик гормонини ишлаб чиқарилмаслиги ҳам яхши маълум. Бундай эркакларда вақт ўтиши билан қарама-қарши жинсга бўлган қизиқиши йўқолади.

Бугунги кунда мигрант ҳайдовчилар ўртасидаги кутилмаган ўлим ва йўл-транспорт ҳодисаларининг асосий сабаби сурункали уйқусизликдир. Уйқусизликдан чарчаган тананинг иш сменалари орасида тикланиш учун вақти йўқ. Кўпинча шундай ҳолатлар бўладики, қирчиллама ёшдаги эркак тонгда бўладиган  юрак оғриғидан шикоят қилади. Энг ёмони: иш жойида, автомобиль ҳайдаш пайтида юрак тўхтаб қолиши мумкин.

Уйқусизлик таъсирига қарши курашишнинг бир усули – бу мунтазам уйқу жадвалини ўрнатиш. Оптимал иш тартибини ва касбий фаолият турини танлаш. Ҳар куни бир вақтнинг ўзида, ҳатто дам олиш кунларида ҳам ухлаш ва уйғониш муҳимдир. Бундан ташқари, тинч ва қоронғи хона, қулай тўшак ва шовқин йўқлиги каби қулай уйқу муҳитини яратиш ҳам фойдалидир.

Бундан ташқари, диетангизни ва жисмоний фаолликни кузатиб бориш лозим. Мунтазам жисмоний машқлар, соғлом овқатланишга ўтиш ва соғлом турмуш тарзи ҳақидаги билимингизни ошириш ҳаёт сифатини яхшилашга ва жиддий касалликларнинг ривожланиш хавфини камайтиришга ёрдам беради.

Умуман олганда, доимий уйқусизлик мигрантнинг ўзи томонидан ҳал қилиниши керак бўлган жиддий муаммодир. Мунтазам уйқу тартиби, тўғри овқатланиш ва соғлом турмуш тарзини ўрнатиш бўйича оддий тавсияларга риоя қилиш орқали сиз жиддий касалликларнинг ривожланиш хавфини камайтиришингиз ва оилавий муносабатларни яхшилашингиз ва ишдаги бахтсиз ҳодисаларнинг олдини олишингиз мумкин.