Украинадаги ўзбекистонликлар Полша орқали эвакуация қилинади. Бунда аёллар, болалар, қариялар ва талабаларга устуворлик берилади

Ўзбекистоннинг Киевдаги элчихонаси маълум қилишича, Польшанинг тегишли идоралари Ўзбекистон фуқароларига ушбу давлат чегарасини визасиз кесиб ўтишларига розилик берган.

Бунинг учун:

– Ўзбекистон фуқаролари ўзлари билан шахсини тасдиқловчи ёки бошқа зарур ҳужжатларни олиб келишлари керак.

– Львовга келган фуқаролар ўзбек диаспораси вакили Садиев Маъруф (+380 96 102 10 95) билан боғланиб, рўйхатга киритиш учун ўзи ҳақида маълумот беришлари лозим.

– чегарани кесиб ўтиш фақат марказлаштирилган тартибда автобусларда Ўзбекистоннинг Украина ва Полшадаги элчихоналари вакиллари ҳамроҳлигида амалга оширилиши мумкин. Полшага мустақил боришни режалаштираётган Ўзбекистон фуқаролари чегарада муаммоларга дуч келиши мумкин.