Ukrainaga qarshi jang qilgan muhojir fuqarolik o‘rniga “qora ro‘yxat”ga tiqildi

Muhojirning so‘zlariga ko‘ra, u shartnoma imzolagan paytdan boshlab frontga yetib borguniga qadar bor-yo‘g‘i ikki hafta o‘tgan va bir oydan so‘ng ilk marta yaralangan. Uning fikricha, bu borada unga omad kulib boqqan: u frontning oldingi qatoriga yuborilmay, birinchi haftalarda qutqaruv guruhida ishlagan.

«Qismda uch kun bo‘ldim. Keyin yetarlicha odam yig‘ilgandan so‘ng Rostov- Donga samolyotda yuborishdi. O‘sha paytda Rostov-Donda o‘quv yig‘ini bor edi. U yerda 10 kunga yaqin bo‘ldim. Xullas, frontga borishim uchun 15 kun kerak bo‘ldi. Avvaliga meni evakuatsiya guruhiga qutqaruvchi sifatida tayinlashdi. Mening chekmasligim, ichmasligim, sport bilan shug‘ullanishim va jismonan baquvvatligimni ko‘rib, meni evakuasion guruhga qutqaruvchi qilib olishdi. Guruh yo‘q bo‘lgan birinchi kuniyoq meni hujumga tashlashdi. Yaralanishimdan bir yarim hafta oldin men shartnomaga imzo chekdim. 6 mart kuni yaralandim”.

Markaziy osiyolik migrantning aytishicha, qo‘mondonlik yangi kelganlarni tirik qolish imkoniyati minimal bo‘lgan eng olovli joylarga tashlaydi. U ham o‘sha yerda yaralangan.

«Men Avdeyevkadagi koks-kimyo zavodida, Berdichevda (Donetsk viloyatidagi qishloq) bo‘ldim. Birinchi jarohatimni Berdichevda oldim. Ikkinchisi esa Ocheretino – Donetsk yo‘nalishi, Pokrovsk yo‘nalishida. Men birinchi jarohatni oyog‘imga kassetali bomba zarbasidan olganman, oyog‘im va to‘pig‘im singan. Ikkita “oskolka”m bor. Meni o‘sha yerdan qutqarib olishdi. Ko‘zim ham yaralangan, lekin u yerda temir parchasi yo‘q, balki chiqib ketgandir. Lekin birinchi va ikkinchi darajali kuyishlar qolgan”, deydi muhojir.

Erkakning so‘zlariga ko‘ra, u urushga borganidan pushaymon bo‘lgan. O‘sha paytda u Rossiya fuqaroligini olishga harakat qilgan. Biroq Rossiya hukumati uni nazorat ostidagi shaxslar reyestriga kiritdi va fuqaroligini rad etdi:

«Menga shunday munosabat kerak edimi? Farzandlarim uchun, kelajagim uchun, qaytib kelamanmi, qaytmaymanmi, hech qanday kafolat yo‘q. Mayli, tuzalib ketdim. Menga qanday qaror chiqarishadi, ularning nima istayotganini bilmayman.
Fuqarolikka kelsak – umuman bo‘ladimi yoki yo‘qmi, menga hech qanday javob berishmaydi. Harbiy qismda ular menga bu haqda hech narsa deyishmadi. “Pasport beradigan joyga bor, falon joyga bor” deyishadi. Men Putinga bir necha bor yozdim, turli idoralarga yozdim, qo‘ng‘iroq qildim. Hammasi javobsiz».