“Urishmayapti, shunisiga ham shukr”: muhojirlar xavfsizlik kuchlari bosimi va millatchilikdan shikoyat qila boshladi

Terror hujumidan keyin migrantlarga munosabat yomonlashdi.

22-mart kuni Moskvadagi “Crocus-city hall”da terakt sodir bo‘ldi: to‘rt qurollangan jangari konsert zaliga bostirib kirib, tomoshabinlarni qariyb 20 daqiqa o‘qqa tutdi. Ertasi kuni xavfsizlik kuchlari terrorchilarni qo‘lga oldi, ular Tojikistonning to‘rt fuqarosi bo‘lib chiqdi. Siyosatchilar va diniy arboblarning terrorizmning millati yo’q degan bayonotlariga qaramay, Internetda odamlar terrorchilarning vatandoshlari va umuman migrantlar haqida haqoratomuz bayonotlar berishni boshladi.

Xavfsizlik kuchlariga chet el fuqarolarini sinchiklab tekshirish topshirilgani haqida maʼlumotlar bor.

Terror hujumidan keyin ularning hayoti qay tarafga o’zgardi?

Odatda Tyumendagi “Stroitelniy dvor” yaqinida o’nlab muhojirlarni uchratishingiz mumkin.

Ertalab bu yerda bo‘lgan muhojirlarni politsiya bo‘limga olib ketgan. Ishchilar buni yaqinda Moskvada sodir bo’lgan terakt bilan bog’liq deb hisoblamoqda.

🔺 “Kecha bu yerdan 30 nafar, bugun o‘ndan ortiq odamni olib ketishdi. Kecha meni ham olib ketishgan edi, uch soat ushlab turishdi va bazalar bo’ylab tekshirishdi. Mening Rossiya pasportim bor, qo’rqmayman. Ular meni keyinroq qo‘yib yuborishdi, ba’zilariga jarima ham qo‘yishdi. Bularning barchasi terakt tufayli. To’rtta yaramas dastidan endi hamma ular haqida yomon fikrda, – deydi ishchi.

Quruvchining so‘zlariga ko‘ra, bunday reydlar hozir barcha shaharlarda o‘tkazilmoqda. Odatda shunday bo‘ladi: muhojirlarni niqobli odamlar o‘rab olishadi va barcha slavyan ko‘rinishida bo‘lmagan odamlarni bo‘limga olib borishadi, u yerda turli bazalarda bir necha soat davomida tekshirishadi. Bu vaqt davomida odamlarga suv ham berilmaydi yoki hojatxonaga kirishga ham ruxsat yo‘q.

🔺 Tojikmi, o‘zbekmi, qirg‘izmi farqi yo‘q – hammani olib ketishyapti. Ularga millatning ahamiyati yo’q. Agar men ularni [politsiyani] ko’rsam, darhol qochib ketaman. Men Rossiya fuqarosiman, lekin vaqtni behuda sarflashni xohlamayman”, deydi quruvchi.

🔺 Ular haqorat qilishadi, turtishadi. Kecha bir yigitning kurtkasi yengini yirtib tashlashdi. Urishmayapti, shunisigayam shukr. Moskvada yuzingizni tuproqqa bosib, Avtomat qo’ndog’i bilan urishadi”.

Migratsiya siyosati markazi direktori, iqtisod fanlari nomzodi Olga Chudinovskix, barcha muhojirlarga nisbatan bunday munosabat ekstremistik faoliyatning oldini olishi kerak bo‘lgan maxsus xizmatlarning o‘z aybini migratsiya organlariga o‘tkazishidir, deb hisoblaydi.

Uning fikricha, migratsiya qonunchiligining qat’iylashtirilishi va qo‘shni davlatlar bilan viza rejimining joriy etilishi Rossiyaga mavjud ishchilar taqchilligiga qattiq ta’sir qiladi.

Siyosiy darajadagi qarorlar shoshqaloqlik va hissiyotlar asosida qabul qilinsa yomon, bu yaxshi natija bermaydi, deydi ekspert. Ayniqsa, Ichki ishlar vazirligining rasmiy ma’lumotlarini hisobga olsak, unga ko’ra, migrantlar tomonidan sodir etilgan jinoyatlar umumiy miqdorning 4 foizidan oshmaydi.

🔸 Fosh etilgan jinoyatlar orasidan xorijliklar tomonidan sodir etilgan qonunbuzarliklar soni Ichki ishlar vazirligi tomonidan 2003 yildan beri e’lon qilinadi, bu ko’rsatkich 4 foizdan oshmaydi, ya’ni bu juda kichik ko’rsatkich va muhojirlar jinoyatchilarni ko‘paytiradigan muhit, deb taxmin qilish mutlaqo noto’g’ri. Biz esa muhojirlarning biz uchun qiladigan foydali ishlarini, jumladan, og‘ir va past ishlarda ishlashi, bizga boshqa faoliyat turlarida hamda boshqa kasblarda ishlash imkoniyatini berishini butunlay rad etamiz”, – deydi Olga Chudinovskix.