Usmon Baratov bir oydan ziyod «ШИЗО»da saqlanmoqda

“Vatandosh” o‘zbek diasporasi prezidenti Usmon Baratov, adovat qo‘zg‘atish aybi bilan to‘rt yil koloniyaga hukm qilinganidan beri bir oydan ziyod jarima izolyatori («ШИЗО»)da saqlanmoqda. Uning yordam guruhi xabar bergan bu holatga huquq himoyachilari «ОВД-Инфо» e’tibor qaratdi.

Baratovga hukm 2024-yil avgust oyida e’lon qilingan. Uning ishiga ijtimoiy tarmoqdagi «Одноклассники»da joylashtirgan bir posti sabab bo‘lgan. Unda tovuqlar tasvirlangan bo‘lib, bir tovuq yonida: “Jang maydonidan xo‘rozlarni qaytaring!” degan yozuv mavjud edi.

Huquq himoyachilarining ma’lumotiga ko‘ra, Usmon Baratov 2025-yil 10-yanvarda koloniyaga yetkazilgan. Karantin muddati tugagach, u darhol jarima izolyatoriga joylashtirilgan va u yerdan hali ham chiqmagan – uning jazo muddati muntazam uzaytirilmoqda.

Baratovni «ШИЗО»ga joylashtirish sabablaridan biri – harakatlanish chog‘ida qo‘llarini orqada tutishi kerakligi talabini bajarmagani bo‘lgan. Uning aytishicha, u ushbu harakatni amalga oshira olmaydi, chunki gipertoniya, osteoxondroz, shuningdek hibsga olingan paytda ko‘rilgan zo‘ravonlik oqibatida jismoniy jarohatlar olgan:

«Men bunga qodir emasman, chunki gipertoniya, osteoxondroz va hibs jarayonida ko‘rilgan zo‘ravonliklar oqibatida – boshga urilishlar, qo‘lqopdagi mushtlar, SOBR jangchilari ikki kishi bo‘lib belimga sakragani sababli – orqa miyam, boshim va oyoqlarim shikastlangan. Shuning uchun faqat devorga suyanib yoki qo‘llarimni muvozanat saqlash uchun silkib yurishga majburman. Aks holda yiqilaman”.

Baratov 3-mart kuni «ШИЗО»dan chiqishi kutilmoqda, lekin u «rejimning qattiqqo‘l buzuvchisi» sifatida tan olingani bois, izolyatordan keyin mukammal tartibli qat’iy rejimga o‘tkazilishi aytilgan.

Sud jarayonida Usmon Baratov lingvistik ekspertiza noto‘g‘ri tartibga solinganini, Rossiya sudidagi jarayon esa noqonuniy bo‘lganini ta’kidlagan. 2024-yil fevral oyida u Rosfinmonitoring tomonidan ekstremistlar va terroristlar ro‘yxatiga kiritilgan.