“Уведомление” ҳақида нималарни билиш керак?

7 январдан буён меҳнат шартномаси ёки хизмат шартномаси бўйича мигрантлар МВД бўлимига “Уведомление” (билдиришнома) топширишлари кераклиги ҳақида хабарингиз бор.

Ушбу мақолада “Уведомление” ҳақида билишингиз керак бўлган маълумотларни келтирамиз.

“Уведомление”ни патенти бор барча мигрантлар топшириши керак. Ҳаттоки “трудовой договор”сиз ёки хизмат шартномасисиз, бир марталик хизмат кўрсатиб ишлайдиганлар ҳам. Чунки оғзаки тузилган шартномалар бўйича ҳам уведомление топшириш кераклиги белгиланган.

“Уведомление”ни 2 ойда топшириш лозим. Олдинроқ топширсангиз бўлади, лекин кечиктиришингиз мумкин эмас. Кечикадиган бўлсангиз, патентингиз куйиши мумкин.

Уведмоление рус тилида босма ҳарфлар билан хатосиз, ортиқча белгиларсиз, бўяшларсиз, хатоларни тузатишларсиз, қисқартиришларсиз тўлдирилади. Фақат расмий қисқартмалардан фойдаланиш мумкин. Масалан, “улица”ни ул. Кўринишида ёзса бўлади.

“Уведомление” билан бирга меҳнат шартномаси ёки хизмат шартномаси нусхаси топширилади. Агар шартнома оғзаки тузилган бўлса унда барча маълумотлар уведомлениени ўзида кўрсатилади ва ҳеч қандай нусха бериш шарт эмас.

Эътибор беринг, шартнома қанча муддатга тузилгани бўйича ҳеч қандай талаб йўқ. Лекин биз патент муддатидан ошмаган вақтга шартнома тузишни маслаҳат берамиз.

“Уведомление”га сиғмаган маълумотларни алоҳида махсус вароқда тўлдиришингиз керак. Алоҳида қоғозга тўлдирганингизда қайси сатрни олиб ўтганингизни рақами ва номи билан кўрсатишингиз керак. Бунинг учун махсус қоғозда жой белгиланган.

Уведомлениени шахсан МВД бўлимига олиб бориб топширишингиз ёки Почта орқали “с уведомлением о вручении” шаклида юборишингиз мумкин. Почта орқали юборсангиз, Шартнома нусхасини қўшиб, нималарни юбораётганингизни “Опись” бўлимида кўрсатишни унутманг.

Қолаверса “Госуслуги” орқали электро топширсангиз ҳам бўлади. Электрон топширганингизда Шартномани “пдф” шаклида сканер қилиб, қўшиб юборасиз.

“Уведомление” топширганингиздан сўнг, сизга МВД ҳодими уни қабул қилгани ҳақида справка (маълумотнома) беради. Агар “Госуслуги” орқали топширсангиз, қабул қилинганлик ҳақида электрон хат келади. Агар почта орқали юборсангиз, юборганингиз ва қабул қилишгани ҳақидаги хатни йўқотманг (чек ва смс хабар бўлади).

МВД ҳодими “Уведомление”ни қабул қилгач, иш берувчингизни тадбиркор сифатида Ягона реестрда рўйхатдан ўтган ёки ўтмаганини текширади. Ундан сўнг “Уведомление”ни қабул қилган вақтидан бошлаб уч кун ичида МВД тизимига “уведомление” топширганингиз ҳақида маълумот киритади.

Шунинг учун “Уведомление” эртароқ топширишни маслаҳат берамиз. Бирор хатолик аниқланса, тузатишга вақтингиз етиши учун.