“Uzbekistan Airways” Ўзбекистонга кириш учун белгиланган талаблар ҳақида огоҳлантирди

Ўзбекистонда туризм соҳасини қўллаб-қувватлаш ва мамлакатга келувчилар учун қулай шарт-шароитларни яратиш мақсадида республика махсус комиссияси қарори билан 16 мартдан бошлаб бир қатор коронавирус чекловлари бекор қилинди ва Ўзбекистонга кириш учун янги талаблар жорий этилди.

“Uzbekistan Airways” берган маълумотларга кўра Ўзбекистонга учишни режалаштираётган йўловчиларга жорий этиладиган талаблар қуйидагилардан иборат:

• тегишли тартибда эмланганлик сертификати/паспортига эга бўлган хориж фуқаролари ПЗР-тест натижасисиз Ўзбекистонга киришлари мумкин.

• Бундай сертификат ёки паспортга эга бўлмаган тақдирда, республикага ташриф буюришидан камида 72 соат олдин коронавирус инфекциясига топширилган ПЗР-тестининг манфий натижали маълумотномага эга бўлиши керак (QR-коди билан) ёки чегарадан ўтиш пунктларида экспресс-антиген тест топшириш зарур бўлади.