Ўзбекистонда меҳнат мигрантларига пенсия тайинлаш тартибига аниқлик киритилди

Тегишли маълумот “Давлат хизматлари янгиликлари” телеграм каналида эълон қилинди.

Фуқароларнинг чет элда ишлаган муддатлари қуйидаги шартлар асосида пенсия белгилашда ҳисобга олинадиган умумий меҳнат стажига қўшилади: 

• 2019 йил 1 январгача бўлган муддатда – Молия вазирлиги ҳузуридаги бюджетдан ташқари Пенсия жамғармасига суғурта бадалларини тўланганда;
• 2019 йил 1 январдан кейинги давр учун –ягона ижтимоий тўловни тўланганда.

Ўзбекистон фуқароларининг хорижда шартнома асосида меҳнат қилиши давлат томонидан ваколат берилган органлар томонидан меҳнат дафтарчасига киритилган ёзувлар асосида белгиланади. Манбаа: “Кун.уз”.