Ўзбекистонлик Россияда мавсумнинг энг яхши футболчиси деб топилди

Москванинг ЦСКА клубининг 20 ёшли ярим ҳимоячиси Аббосбек Файзуллаев 2023/24 йилги мавсумда Россия премьер-лигаси (РПЛ) биринчи ярмининг энг яхши футболчиси деб топилди. Россия терма жамоасининг собиқ ҳимоячиси Максим Боков:

“Ҳозир Файзуллаев чемпионатнинг энг яхши ўйинчиси. Аввалига Аббосбек жисмоний хусусиятлари билан катта таассурот пайдо қилмаган бўлса-да, лекин у боши билан ҳаммани қойил қолдирди. Уни Европага олиб кетишадими ёки йўқми, билмайман, аммо ЦСКАга фойда келтириши аниқ. Файзуллаев армия клубида футболчи сифатида ўсиб боради. Агар у шундай ўйин кўрсатишда давом этса, унга энг яхши клублар қизиқиш билдиришади”, – дейди Боков Матч ТВга.

Эслатиб ўтамиз, ўзбекистонлик ёш истеъдод жорий йилнинг август ойида ЦСКАга кўчиб ўтганди. Бу вақт ичида у армия терма жамоаси сафида барча турнирларда 18 та ўйин ўтказиб, иккита гол урди ва олтита голли узатмани амалга оширди.

Ҳозирда ярим ҳимоячининг трансфер қиймати 4 миллион еврони ташкил қилмоқда.