Ўзбекистонликлар байрам муносабати билан кетма-кет 4 кун дам олади

21, 22, 23 ва 24 апрель кунлари — дам олиш кунлари бўлади.

Ўзбекистон президентининг 2022 йил 23 декабрдаги «2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги ПФ–270-сон фармонига ўзгартиришлар киритилди.

Ўзбекистон президентининг Рамазон ҳайитини нишонлаш тўғрисидаги қарори 20 апрелда эълон қилинди.

Қарорга кўра ўзбекистонликлар кетма-кет 4 кун дам олишади:

• 21 апрель, жума — Ҳайит байрами;
• 22 апрель, шанба — 6 кунлик иш ҳафтасидаги ходимлар учун қўшимча дам олиш куни;
• 23 апрель, якшанба — одатдаги дам олиш куни;
• 24 апрель, душанба — барча учун дам олиш куни бўлади.