Мақола

675 17/10/2023

Исроил ҳукумати ушбу мамлакатда давом этаётган жанговар ҳаракатларда ўзбекистонлик фуқароларнинг ҳам ҳалок бўлгани ҳақида хабар берган эди. Кеча Ўзбекистон Республикасининг Исроилдаги Элчихонаси мазкур хабарга аниқлик киритди.

“Сўнгги кунларда Ўзбекистон оммавий ахборот воситалари ва ижтимоий тармоқларда Исроил-Хамас қарама-қаршилигини ёритиш жараёнида Ўзбекистон фуқаролари ҳалок бўлганлиги ҳақида маълумотлар чоп этилмокда.

Маълум қиламизки, Исроил Ташқи ишлар вазирлиги ва полицияси берган маълумотга кўра, мамлакат жанубида рўй берган террор ҳужуми вақтида Ўзбекистонда туғилган ва 90-йилларда репатриация дастурига мувофиқ Исроилга кўчиб келган 5 (беш) нафар киши ҳалок бўлган. Олинган маълумотларга кўра, улар амалдаги Ўзбекистон фуқаролик паспортларига эга эмас.

Юқоридагиларни эътиборга олиб, ОАВни кузатиб борувчи фуқароларда бўлиб ўтаётган воқеалар кўлами ва уруш ҳаракатлари ҳақида нотўғри қарашлар пайдо бўлишини олдини олиш мақсадида маълумотларни чоп эттиришдан олдин, уларни ишончли манбалардан, шу жумладан Ўзбекистон Республикасининг Исроилдаги Элчихонаси орқали қайта текширишингизни сўраймиз”, дейилади элчихона баёнотида.

Эрининг ўчини боласидан олаётган аёллар

Навигация