Va’da qilingan 150 000 pokistonlik o‘rniga atigi 233 kishi keldi

2025-yil yanvar va sentyabr oylari oralig’ida Belarusga 233 Pokiston fuqarosi yetib keldi, deya xabar beradi mamlakat Ichki ishlar vazirligi. Bu Aleksandr Lukashenko 2025-yil bahorida Belarus iqtisodiyotiga pokistonlik ishchilarni jalb qilish rejalarini muhokama qilganida aytib o’tgan 150 000 raqamidan ancha past.

150 000 pokistonlikning kelishi mumkinligi haqidagi e’lon ijtimoiy tarmoqlarda keng muhokama va tanqidlarga sabab bo’ldi. Biroq, rasmiy ma’lumotlar shuni ko’rsatadiki, haqiqiy oqim juda oz. Belarus Savdo vazirligining ma’lumotlariga ko’ra, 2025-yil may oyida mamlakatda taxminan 200 Pokiston fuqarosi ishlagan.

Jurnalistlar pokistonlik migrantlarning Belarusda qanday yashashi va ishlashini o’rganishdi. Minskka ko’chib kelganlardan biri uning kasbi bo‘yicha oyiga 500-600 dollar maosh olishi va hatto belorus tilini bilmasdan ham ish topishi mumkinligini aytgan.

Pokistonlik migrantlar Brest, Lunints, Bobruisk va Mogilyevda ham ishlaydi.

Biroq, Pokistonning «Business Recorder» nashri Belarusdagi real ish haqi avval aytilgan talablarga javob bermasligini ta’kidlamoqda. Nashrning yozishicha, ikki tomonlama shartnomalarda qayd etilgan va’da qilingan 1100 dollarlik minimal ish haqi o’rtacha oylik ish haqi 670–700 dollar bo’lgan mamlakat uchun real emas.

Ma’lumot uchun: 2025-yilda Belarusdagi O’zbekistondan kelgan mehnat migrantlari soni sezilarli darajada oshdi. Belarus Respublikasi Mehnat vazirligi ma’lumotlariga ko’ra, mamlakatda taxminan taxminan 32 000 nafar mehnat migranti ishlagan. Ularning 17 280 nafari o’zbekistonliklar. Umuman olganda, Belarusdagi muhojirlar soni o’tgan yilga nisbatan 1,5 baravar ko’paygan. 2025-yilning dastlabki to’qqiz oyida migratsiya oqimi 1,5 baravarga oshdi, yangi kelganlarning taxminan 70 foizi asosan Minsk va Minsk viloyatida ish bilan band bo’ldi, shu bilan birga chet ellik ishchilarning umumiy ulushi mamlakatdagi umumiy bandlikning 1 foizidan ham kam.