Voronej yaqinida avtohalokatda o‘zbekistonlik migrant aybdor deb topildi

Voronej yaqinidagi M-4 «Don» avtomagistralida 2023-yil oktyabr oyida sodir bo‘lgan avtohalokat uchun o‘zbekistonlik fuqaro bir yilu to‘rt oyga ozodlikdan mahrum qilindi. Bu haqda viloyat prokuraturasi matbuot xizmati xabar berdi.

28 yoshli o‘zbekistonlik fuqaro Chevrolet haydovchisi avtomagistralda ketayotgan paytda boshqa mashina bilan to‘qnashuvdan qochishga urinib, qarama-qarshi yo‘nalishdagi Lada Granta avtomobiliga urilgan. To‘qnashuv natijasida ikkala mashina ham ag‘darilib ketgan. Yo‘lovchilardan biri voqea joyida vafot etgan.

Haydovchiga nisbatan «Ehtiyotsizlik tufayli o‘limga olib kelgan yo‘l harakati qoidalarini buzish» moddasi bo‘yicha jinoiy ish qo‘zg‘atilgan. Ushbu modda bo‘yicha maksimal jazo besh yilgacha qamoq jazosi hisoblanadi.

Biroq, ayblanuvchi sud qarorini kutmagan va qochib ketgan. Uni qidirish deyarli ikki yil davom etdi. 2025-yil sentyabr oyida huquqni muhofaza qilish organlari xodimlari erkakni hibsga olishga muvaffaq bo‘lishdi.

Sud uni aybdor deb topdi va bir yilu to‘rt oyga axloq tuzatish koloniyasiga hukm qildi. Shuningdek, u ikki yarim yilga mashina haydash huquqidan ham mahrum etildi.