Voronej yaqinida migrantni avval mashina, keyin avtobus urib ketdi

21-iyul kuni kechqurun Voronej yaqinidagi Otradnoye qishlog‘ida fojia yuz berdi. Elektr samokatda ketayotgan erkak halok bo‘ldi. Voqea taxminan soat 20:55 da M-4 “Don” – Otradnoye yo‘lining 3-kilometrida, Rubejnaya ko‘chasi yaqinida sodir bo‘lgan. Bu haqda Ichki ishlar vazirligining Voronej viloyati bo‘yicha bosh boshqarmasi xabar berdi.

Rasmiy maʼlumotlarga koʻra, 124-sonli yoʻnalishda harakatlanayotgan LiAZ avtobusining 61 yoshli haydovchisi Otradnoye shahrida yashovchi 31 yoshli fuqaro boshqaruvidagi elektrosamokatni urib yuborgan. Jabrlanuvchi olgan tan jarohatlari tufayli voqea joyida vafot etgan.

Ammo, guvohlar aytganidek, voqea boshqacharoq bo’lgan. Ularning so‘zlariga ko‘ra, erkakni dastlab mashina urib yuborgan, uning haydovchisi voqea joyidan qochib ketgan. Jabrlanuvchi yiqilganidan keyin uni avtobus ham bosib ketgan.

Marhum Tojikiston fuqarosi. U Rossiyada vaqtinchalik propiskaga ega bo‘lib, mahalliy kafeda oshpaz bo‘lib ishlagan. O’sha kuni kechqurun yomg’ir yog’ayotgan va erkak yo’l chetidagi loy tufayli katta yo’lga chiqishga majbur bo’lgan bo’lishi mumkin.

Mahalliy aholining aytishicha, avtohalokat sodir boʻlgan yoʻl qismi xavfli: koʻrinish yomon, koʻchada yorugʻlik yoʻq, haydovchilar koʻpincha mashinani qattiq tezlikda haydashadi. Odamlar politsiya marhumni urib qochib ketgan haydovchini topishiga umid qilyapti.

Hozirda huquq-tartibot idoralari xodimlari fojianing barcha holatlarini aniqlab, surishtiruv ishlarini olib bormoqda.