Voronejda o‘zbekistonlik migrantlarga qalbaki hujjat sotganlar ushlandi

Voronejda ikki mahalliy aholi O‘zbekistondan kelgan migrantlar uchun noqonuniy hujjat sotishda gumon qilinmoqda. Bu haqda Lenin tuman sudi matbuot xizmati xabar berdi.

Tergov ma’lumotlariga ko‘ra, 2025-yil 28-apreldan 13-maygacha sudlanuvchilar pul evaziga migratsiya maqsadlarida chet el fuqarolarini noqonuniy ravishda ro‘yxatdan o‘tkazgan, shuningdek, soxta fuqarolik shartnomalarini tuzgan.

Bundan tashqari, 2025-yil iyun oyida ular chet el fuqarosi uchun Voronejda qalbaki “RVP” hujjatlarini taqdim etgan.

Sud ulardan birini 26-aprelgacha hibsga oldi, ikkinchisi esa shu muddatga uy qamog‘ida bo‘ladi.

Gumonlanuvchilarning harakatlari Rossiya Jinoyat kodeksining 322.1-moddasi 2-qismining «a» bandiga (bir guruh shaxslar tomonidan oldindan til biriktirib, xorijiy fuqarolarning noqonuniy yashashini tashkil etish) muvofiq tasniflandi. Ushbu modda bo‘yicha maksimal jazo o‘n yilgacha ozodlikdan mahrum qilishdir.

Viloyat prokuraturasi ma’lumotlariga ko‘ra, 2025-yilda migratsiya qonunlarining taxminan 57 000 ta buzilishi aniqlangan. 783 kishi ogohlantirish olgan, taxminan 12 500 qoidabuzar ma’muriy va intizomiy javobgarlikka tortilgan, 213 ta jinoiy ish qo‘zg‘atilgan.

Prokuratura barchaga migratsiya qonunlariga qat’iy rioya qilish zarurligini eslatgan.