Москвадаги савдо марказида 50 дан ортиқ одам жароҳатланди

Москвадаги Кутузов проспектидаги «Времена года» савдо марказида иссиқ сув қувурининг ёрилиши натижасида 50 дан ортиқ одам жароҳат олди.

Таъкидланишича, уларнинг ҳаммаси куйган. Тез ёрдам ходимлари ва қутқарувчилар ҳодиса рўй берган  жойга етиб боришди.

Савдо марказидан электр қуввати узиб қўйилган. Айни пайтда бинонинг учинчи қаватида, шунингдек, дўкон ва овқат хонасида одамлар қолиб кетгани айтилмоқда.

Аввалроқ, 112-Телеграм канали 22-июл куни тушдан кейин Кутузовский проспектидаги пойтахтдаги “Времена Года” савдо марказида иссиқ сув қувури ёрилгани оқибатида ташриф буюрганлар орасида куйганлар ҳақида ёзган эди.

Фавқулодда вазият содир бўлган жойга тезкор хизматлар юборилган, иссиқ сув портлаши оқибатида жабрланганлар сони аниқланган. Кутузовский проспектидаги Москва савдо марказида коммунал авариянинг аниқ сабаблари ҳали номаълум.